.::BIBLIOBUS::.

Máis Google!

2004-12-14T18:18:00.000Z

Parece que Google toma as bibliotecas e os seus contidos a serio: tres semanas despois de lanzar Google Scholar, desde Mountain View anúnciase outro grande proxecto "bibliotecario", a dixitalización de varios MILLÓNS de libros das bibliotecas de Stanford (onde Brin e Page trabalharon nun proxecto de biblioteca dixital como posgraduados) e Michigan, e coleccións das de Harvard, Oxford e a New York Public Library. As obras a dixitalizar non se limitarán ás de dominio público (publicadas pre 1885 aproximadamente, para as que tenhan autor ou editor), parece ser, ao menos no caso de Stanford, aínda que o acceso a éstas será libre (e sen publicidade), mentras que ao resto sera parcial.

Por suposto son numerosísimos os proxectos de dixitalización existentes ou completados, pero o tamanho, a publicidade e a accesibilidade desta nova iniciativa son extraordinarios. Máis información en Searchblog e tamén en ResourceShelf. É unha boa notícia, non? Iso sí, agardemos que esta megaempresa se leve a cabo respectando os orixinais como é debido, que no pasado varios proxectos norteaméricanos foron menos que adecuados neste senso.

Google Scholar: resumo

2004-11-21T09:49:00.000Z

A blogosfera bibliotecaria volveuse tola con Google Scholar, e non é extranho. Este é un pequeno resumo (actualización do que fixen fai dous días como comentario a un post sobre o tema na excelente Bido) das evaliacións máis interesantes sobre o novo producto de Google.

O espectro dos comentarios vai dende o de It's all good, que o trata de cambio paradigmático, quasi apocalíptico ("This is how scholarly material is going to come to the people") aos de Jessamyn West, quen salienta varios dos seus problemas como producto e como fenómeno relacionado coas bibliotecas ( "will become inaccurately synonymous with find it in a research paper. Librarians know the difference, does everyone else?"). Excelente o post en Resource Shelf, que fala de "golden opportunity" para a comunidade bibliotecaria (Digital Librarian máis ben o trata de chamada de atención: "We need to stop be re-active, and start being proactive. Our venders are not going to move us forward in the ways we need; they are reactive to our needs, not to our future"). Tamén paga a pena ler o post de onte en BiblioAcid.

Dicir só que Google Scholar está ainda en beta (e tanto: as facilidades de busqueda son mui limitadas - autor: só admite una palabra, e palabras en título e en url) e que a posibiblidade de ver as citas a un artigo nun clic é impresionante, e sobre todo que menciona constantemente as bibliotecas na súa pagina de axuda e nos resultados, publicidade gratuita.

Firefox 1.0

2004-11-09T17:11:00.000Z

Un post pouco bibliotecario e menos orixinal: a versión 1.0 do navegador Firefox xa está disponivel na páxina da Fundazón Mozilla. Nós levamos ao usar xá varios meses e unímonos ao coro: se ainda non o usas, deixa o Microsoft IExplorer e desfruta dunha navegación de calidade superior. Se todavía queda alguén non sabe porque debería pasar do un ao outro, Phil Bradley, no seu reputado blog bibliotecario, sumariza varios motivos.

Agora que xa ten versión oficial haberá que empezar ao ofrecer nos PC públicos das bibliotecas para atender á demanda pública e/ou educar aos usuarios menos ilustrados.
Outro blog bibliotecario, Research Buzz, comenta unha posibiblidade para poder usar Firefox en computadores que non tenhan o programa instalado: Portable Firefox pode instalarse nun USB (incluíndo favoritos, etc) e levarse ao terreo do enimigo.

O movemento do software libre (de código aberto) entra na casa dixital do usario medio como raposo en galinheiro.

ISBN-13

2004-11-08T10:23:00.000Z

Por fin tieven un momento para botarlle un vistazo ao novo número de Ariadne (No. 41, Outubro 2004), e de ler algo: o artigo (ISBN-13: New Number on the Block de Ann Chapman) sobre o novo ISBN de 13 díxitos que será empregado a partir de Xaneiro do 2007 (o periodo transitorio empeza dentro de 13 meses!) é do máis completo que hai e ademais mui clarinho, entendín todo.

Outros artigos neste número do xornal:
The Tapir: Adding E-Theses Functionality to DSpace
Richard Jones
Improving Communications within JISC through News Aggregation
Paul Davey
Developing Portal Services and Evaluating How Users Want to Use Them: The CREE Project
Chris Awre, Matthew J Dovey, Jon Hunter, William Kilbride and Ian Dolphin
The Dawning of DARE: A Shared Experience
Annemiek van der Kuil and Martin Feijen
What Do Application Profiles Reveal about the Learning Object Metadata Standard?
Jean Godby

ebooks e o futuro

2004-11-05T09:32:00.000Z

UKOLN, organismo coordinador de proxectos dixitais no Reino Unido, publicou nas súas series documentais (no. 2, Xullo 2004) unha interesante análise sobre o uso de libros electrónicos en bibliotecas públicas británicas. Polo momento está nun nivel prácticamente experimental, e non só neste pais, pero ten unha evidente relevancia de cara ao futuro.

Nas notas deste estudo atopo unha excelente referencia, o artigo de Clifford Lynch "The battle to define the future of the book in the digital world", publicado fai xa tres anos no mítico xornal adicado á internet First Monday, pero de total actualidade. É un lúcido e relevante exame das diferentes visións alternativas sobre o futuro do libro no contexto dixital e as súas implicacións económicas, legais e socio-culturais. E por suposto para as nosas bibliotecas.

Libweb - Bibliotecas vía web

2004-11-02T13:16:00.000Z

Da man do SunSITE (Sun Software Information & Technology Exchange) da biblioteca da U.C. Berkeley, encargado de construir coleccións dixitais e servicios para información e soporte de desenroladores e bibliotecarios do dixital -e do que tal vez outro día falemos en profundidade na súa faceta máis tecnolóxica- atopamos Libweb, un servizo de directorio para servidores web de bibliotecas que se actualiza diariamente, e que permite búsquedas por localización, nome ou materia (entre outras) das 7100 páxinas de bibliotecas de máis de 115 paises que referencia a día de hoxe.

Un excelente recurso para descubrir bibliotecas do mundo.

Bibliotecas e portais

2004-10-09T11:27:00.000+01:00

Un artigo de Lorcan Dempsey (VP Reasearch, OCLC) publicado no número de Outubro de Update (tenho que recordar que quedan só dous meses para renovar o meu carnet de CILIP: algún membro galego-lusófono entre os leitores?) lévame a ler o máis extenso "The recombinant library: portals and people", que tamén sobre o mesmo tema publicou fai perto de un ano.

Son 38 páxinas en pdf, nas que analiza os usos e as posibilidades futuras dos portais e a súa arquitectura, no contexto bibliotecario e de internet. Para os que non conhezan ao autor dicir só que ten unha experiencia excepcional no campo: foi Director de UKOLN (UK Office for Library and Information Networking), co-Director de RDN (Resource Discovery Network, sobre a que xa temos falado neste blog en varias ocasións) e Director de DNER (Distributed National Electronic Resource).

Ciencias da Saúde

2004-10-03T13:33:00.000+01:00

Mentras agardamos a que se publiquen as actas da "9th European Conference of Medical and Health Libraries" (astracts das intervencións si se poden consultar na páxina web do evento), celebrada en Santander entre o 20 e 25 do mes pasado, exploro o mundo da biblioteconomía médica e fico relativamente sorprendido da importancia deste ramo da profisión: o C17, catálogo colectivo estatal espanhol de publicacións periódicas médicas e afíns, conta máis de 500 bibliotecas participantes, entre elas 30 na Galiza. Hospitais, insitutos de investigación, facultades, departamentos gubernamentais e até bibliotecas públicas forman parte de este saudabel sector.

Hipocondría.

Anuncio: 6 contas gmail para repartir. Interesados pónhanse en contacto e comenten o muito que gostan, ou non, deste blog (Gustavo.Grandal@gmail.com).

Bibliotecas dixitais

2004-10-03T13:02:00.000+01:00

JoDi: Journal of Digital Information ven de sacar o número especial (5:3) Digital Libraries and User Needs, no que se discuten conceitos como o do desenho participativo, centrado no usuario ou os modelos de administración compartidos.

A biblioteca dixital de recursos educativos ERIC (Education Resources Information Center), patrocinada por o Institute of Education Sciences e o Departamento de Educación norteamericanos, e que comenzou a súa andaina o mes pasado, fixo disonibeis máis de 107.000 documentos en texto completo esta semana. Este proxecto inclúe ademais unha base de datos bibliográfica con máis de 1.1 millóns de rexistros que se remontan a 1966.

Berners-Lee e a rede que ven

2004-10-02T18:23:00.000+01:00

A Technology Review publica no seu último número (Outubro 04) unha entrevista co extraordinario Tim Berners-Lee sobre a web que ven, a fascinante "web semántica", que empregando RDF e XML está en caminho de revolucionar o uso da información na rede. Máis información na páxina do W3C adicada á Semantic Web.

Aproveito para recomendar a quen non o tenha feito xá, a leitura do seu libro Weaving the Web, a historia e o futuro da www polo seu inventor, e para todos os públicos. Deberia ser obligatoria nas escolas - e muito máis nas de biblioteconomía.

Guía do Software para Repositorios Institucionais

2004-09-19T10:13:00.000+01:00

Entérome no sempre excelente e interesante Catalogablog (que blog bibliotecario non ten a páxina de David Bigwood entre as ligazóns de referencia?) de que a Budapest Open Access Initiative ven de publicar a "Guide to Institutional Repository Software v 3.0", 36 páxinas (pdf) que inclúen descripcións, contactos, táboas comparativas, etc. de programas como Eprints, Fedora, ARNO e varios outros.

Xa rematei de ponherme ao día con os máis de 2.500 posts que atopei á volta das vacacións no meu Bloglines, menos mal que era Agosto. A partir de agora novidades.

Guías temáticas

2004-09-15T22:20:00.000+01:00

Ven de colgarse na páxina web da biblioteca na que traballaba até fai unhas semanas unha pequena guía de recursos sobre o fascinante tema da propiedade intelectual: agradecería comentarios.

Optimismo

2004-08-17T17:04:00.000+01:00

Open Access Now, o boletín de BioMed Central sobre publicacións de libre acceso e as ciencias da saúde, ven de cumplir un ano e inclúe no seu número 19 un optimista editorial sobre o movimento OA ao longo deste período. Tamén trae unha entrevista con Ian Gibson, o presidente da comisión de ciencia e tecnoloxía da camara dos comúns britanica, sobre o famoso informe encol do modelo de publicacións científicas.

Engadir unha nota persoal: servidor marcha manhá de vacacións e participa plenamente desta atitude. Boas vacacións para todos.

Máis software bibliotecario

2004-08-14T10:47:00.000+01:00

Outros dous sistemas de xestión bibliotecaria de balde: Open-ILS, creado por un consorcio de bibliotecas públicas norteamericanas e Biblio, made in Galiza por José A. Graña, profesor do CEIP de Petelos, Mos. Tamén unha listaxe feita pola UNESCO do mesmo material, parte do UNESCO Free Software Portal. O senhor ministro usa, e promove, nós tamén.

Imaxe tirada dos Bibliotecários Sem Fronteiras

FRBR

2004-08-08T10:50:00.000+01:00

Requerimentos Funcionais dos Rexistros Bibliográficos (Functional Requirements for Bibliographic Records, FRBR): a pesares de que a IFLA publicou o seu informe sobre estas recomendacións no 1998,a recente aparición en libro dos Principios de catalogación, nas que aparecen integradas, e sobre todo, a presentación de proxectos que as ponhen en práctica, nomeadamente FictionFinder de OCLC, as convirten nunha das siglas de actualidade.

Thomas Hickey, Edward O'Neill e Jenny Toves, de OCLC Research, publican no último numero de D-Lib (8:9), Experiments with the IFLA Functional Requirements for Bibliographic Records (FRBR), interesante análise dos traballos levados a cabo neste campo pola cooperativa norteamericana.
Nesta páxina tenhen máis información sobre estes proxectos, incluindo o prototipo FictionFinder (o futuro é fermoso).

Internet fonte de recursos

2004-08-08T10:35:00.000+01:00

Ven de se publicar o manual máis completo sobre as novas tecnoloxías da información feito en galego: Internet fonte de recursos.
Emiliano Gómez, responsable da sección Pc Práctico do xornal Codigo Cero e profesor da USC, é o autor deste "manual para internautas de tódolos niveis". Ao longo de máis de 400 páxinas repasa "varios centos de recursos para acceder a toda a información e ás novas dispoñibles na rede" e "inclúe un glosario informático e a listaxe das 500 webs máis visitadas de Galicia".
Máis informacion aquí.

Tesauro artístico

2004-08-02T20:50:00.000+01:00

Desculpen, pero antes de ser bibliotecario estudei Historia da Arte: venho de descubrir un excelente tesauro de termos artísticos (en inglés...) da J. Paul Getty Trust. Máis de 33.000 termos, descripcións, citas bibliograficas e outras informacións, é un tesouro.

Noutra orde de cousas, aqui tenhen unha exhaustiva guía de uso e conservación de CDs e DVDs do Council on Library and Information Resources e o National Institute of Standards and Technology norteamericanos. Se 50 páxinas os botan para atrás aqui tenhen as recomendacións resumidas en 25 linhas.

ECIR´05

2004-07-31T12:24:00.000+01:00

A Universidade de Santiago de Compostela (USC) acollerá no vindeiro ano a 27th European Conference on Information Retrieval, anunciou Código Cero. A British Computer Society (BCS) organiza esta prestixiosa conferencia internacional, que tera lugar entre o 21 e o 23 de marzo do 2005 na Escola Técnica Superior de Enxeñería compostelá. Información, limitada aínda, na paxina web ECIR'05.

Ferramentas e metadata

2004-07-31T11:27:00.000+01:00

Leín nos últimos días un par de artigos de resumo sobre dous temas de actualidade: "Social Software in the Library", de K. Matthew Dames e "Understanding Metadata", da NISO. O primeiro, recén publicado en Llrx.com, é un repaso de tecnoloxías e ferramentas máis ou menos du jour: blogs, RSS, Wi-Fi, IM, ou PDAs e o seus posibeis usos nas bibliotecas ("instant messaging should be a standard reference offering for most large university library systems within the next two years, and we should see widespread adoption of IM as a library service within four years", por exemplo).
O autor publica un blog sobre estes temas: SNTReport.com

O artigo sobre metadata (que David Haynes no último número de Update descrebe simplemente como a aplicación a documentos dixitais das técnicas que os bibliotecarios levamos muito tempo usando cos impresos), leva xa algún tempo na páxina web da NISO (National Information Standards Organization) e foi recomendado -con toda razón- en numerosos blogs bilbiotecarios. DCMI, TEI, METS, MODS, EAD, etc. son brevemente analizados a través de exemplos e incluése tamen unha excelente selección de paxinas web e documentos de referencia para os máis aplicados.

Preservación dixital

2004-07-25T12:52:00.000+01:00

Ven de publicarse o numero de Xullo-Agosto (10:7/8) do excelente D-Lib Magazine, unha das publicacións de referencia deste blog no campo das bibliotecas dixitais. Recomendamos a leitura do artigo de Neil Beagrie (British Library/JISC Partnership Manager) sobre o importante e complicado tema da preservación e accesibilidade a longo prazo de documentos dixitais, especialmente na internet. "The Continuing Access and Digital Preservation Strategy for the UK Joint Information Systems Committee (JISC)" discute varios estudos e proxectos nos ámbitos nacional e universitario que se estan levar a cabo na actualidade no Reino Unido con esta fin.

Publicacións científicas: o informe británico

2004-07-21T21:45:00.000+01:00

Publicouse onte oficialmente o informe da Comisión de Ciencia e Tecnoloxía da camara baixa británica sobre o modelo de publicación da investigación académica e o libre acceso á mesma, Scientific Publications: Free for all?. As conclusións non son revolucionarias pero si positivas para o avance do OA (que queredes, é que os ingleses sonche así): critica con moderación o sistema actual e pide un maior apoio gubernamental aos arquivos institucionais de libre acceso, ao tempo que declara que é un debate ainda por pechar.

Software libre

2004-07-20T22:54:00.000+01:00

Hoxe tócalle ao software libre e/ou de código aberto (“open source”) para bibliotecas. Non imos entrar na filosofía deste movemento nen muito menos polemizar sobre códigos proprietarios, para comezar por que nen sabería por onde facelo (bon, iso si: na páxina de GNU/Free Software Foundation ou na da Open Source Initiative). Simplemente comentar varios programas e utilidades aparecidas nos últimos tempos neste campo.

OpenBiblio é un programa de xestión integral de bibliotecas do que ven de ser anunciada a súa versión beta. Comprende modulos de circulación,catalogación, administración e OPAC, e diríxese principalmente a coleccións privadas, escolas e pequenas bibliotecas públicas. Podeno descargar aquí. Koha, o programa pioneiro neste campo, que sacou o mes pasado a sua version 2.1.0 (integra MARC e Z39.50), xa ten competencia.

Outro superprograma é Open Dlib, un xestor de coleccións dixitais que integra adquisición, descrición, almacenaxe e recuperación de recursos e autorización e autentificación de usuarios. Tamén tenhen versións recentes My Library, unha ferramenta para crear portais persoalizados de recursos en internet (máis información aquí) e MarcEdit, un editor de rexistros MARC.

Poden atopar máis software bibliotecario de balde na páxina oss4lib (Open Source Systems for Libraries), que tamén contén unha interesante bibliografía sobre o tema e un servizo de novas RSS. Os voluntarios si que traballan.

Cartaces portugueses

2004-07-14T22:21:00.001+01:00

Facía algún tempo que tinha pensado falar aquí dunha extraordinaria colección de cartaces dixitalizados contemporáneos portugueses que fai parte da Biblioteca da Universidade de Aveiro, e aproveito para saudar ao companheiro Pedro Príncipe que fala hoxe no seu blog da mesma. Apontar só que a Biblioteca Dixital de Cartaces conta no momento con mais de 2.500 exemplos, organizados temáticamente (ambiente, artes plásticas, condicións de traballo, etc.) e que poden ser pesquisados usando diversos índices.

Xa postos saudar tamén aos camaradas da recén nacida FREAC (Frente Retranqueira Anti Colonial), aos que adicamos este cartaz portugués, clásico do "eu ben te entendo".

Integración de recursos en Alemanha

2004-07-13T11:36:00.000+01:00

Lendo o último número do IFLA Journal atopo un artigo de Martin Bomeke (30:1 pp. 47-54) sobre ViFaTec, un portal académico alemán de recursos no campo das enxenharías. Como outros dos comentados aquí previamente, esta baseado nunha biblioteca universitaria de referencia no seu campo (neste caso a TIB, a Biblioteca Nacional de Ciencia e Tecnoloxía) e é mantido por bibliotecarios. Busca consolidar recursos de calidade existentes (paxinas web, repositorios, catálogos, bases de datos, etc.) nun único ponto de acceso, nun caminho que muitas iniciativas partillan actualmente: a integración.

ViFaTec fai parte nunha iniciativa nacional alemana, [vascoda], o portal dos portais académicos alemáns. Diferenciase de outras, como por exemplo a británica RDN, en que non e un simple buscador de entradas de catalogo sobre recursos na internet, senon que integra os propios recursos (incluíndo bases de datos, catálogos, artigos e libros electrónicos, etc.) na busca e permite acceder a eles directamente. Na actualidade mais de 30 institucións e cerca de 30 diferentes servizos forman parte deste proxecto, sobre o que se pode atopar mais información aquí.

Máis acceso libre

2004-07-12T16:50:00.000+01:00

Leo hoxe a través do meu Bloglines os posts e noticias da fin de semana (non todo vai ser bloggear!): en Open Access News, o meu blog de referencia nos ámbitos do acceso libre, entérome de que o xornal americano Library Hi Tech News publica no seu último numero (21:5 pp. 22-30) o segundo dunha serie de tres artigos introdutorios sobre repositorios e bases de datos de acceso libre recentes. O seu autor é Gerry McKiernan, bibliotecario de ciencias e tecnoloxía da Iowa State University e habitual escritor sobre estes temas.

No primeiro artigo da serie (21:3 pp. 11-19), "Open Acces Initiative Data Providers. Part I: General", McKiernan facía unha panorámica de proxectos recentes como Digital Library of the Commons, E-LIS: E-prints in Library and Information Science, INFOMINE, e o Open Video Project. O recen publicado segundo, "Open Archives Data Providers Part II: Science and Technology", fai o propio nestes campos, con Bioline International, CERN Document Server, Digital Library for Earth System Education e Organic Eprints. Agardamos impacientes a terceira entrega desta excelente serie.

Nota: esta serie de artigos publícase na sección regular do autor no citado xornal, E-Profile, onde o ano pasado víu a luz outra serie de tres, complementarios da presente, sobre buscadores especializados de materiais académicos de acceso libre ("OAI service providers"): "Open archives initiative service providers. Part I: science and technology", "Open archives initiative service providers. Part II: social sciences and humanities" e "Open archives initiative service providers. Part III: general".

Not BAD!

2004-07-10T13:00:00.000+01:00

Publicáronse onte na páxina web da BAD (Associação Portuguesa de Bibliotecários, Arquivistas e Documentalistas) as Actas do VIII Congreso Nacional da asociación profisional portuguesa, celebrado en maio deste ano. Están así disponíbeis, maiormente en texto completo (pdf), as comunicacións lidas ao longo dos tres días, entre as que destacamos a dos Serviços de Documentação da Universidade do Minho sobre o seu repositorio dixital de literatura académica ou a de José Borbinha (Biblioteca Nacional – Direcção de Serviços de Inovação e Desenvolvimento) sobre a Biblioteca Nacional Digital e a preservación de materiais, por escoller dous temas tratados neste blog.

De obrigada leitura é a DECLARAÇÃO DO ESTORIL, o manifesto da profisión bibliotecaria portuguesa a favor do acceso libre (subscrebendo as declaracións de Budapest, de Berlín e da IFLA) e en contra do pago de taxas polo empréstimo en bibliotecas publicas, en relación coa implementación da famosa directiva 92/100/CEE. Unha asociación/colexio profisional forte e con ideas claras sobre temas importantes como estes é necesaria para os traballadores do sector e sobre todo para a sociedade que en último termo servimos.

Buscar imaxes na rede

2004-07-08T20:00:00.000+01:00

Tirado de Artifact (outra vez): unha mui completa guía sobre busca de imaxes na internet. Producida por TASI (Technical Advisory Service for Images), o organismo que asesora ás universidades inglesas sobre imaxes dixitais e dixitalización, inclúe información sobre estratexias xerais, buscadores, bases de datos e directorios, pero tamén busca de tipos específicos de imaxes (históricas, artísticas), calidade ou copyright. Outras excelentes guías de temas relacionados nesta outra paxina súa.

Blogs nas bibliotecas universitarias

2004-07-07T20:09:00.000+01:00

Uthink sona a titulo de disco de rap dos 80, mais é o nome dunha interesante iniciativa bibliotecaria para promocionar a utilización de blogs no ámbito académico (e subtitúlase "Blogs at the University Libraries", que non penso sexa o caso de ningunha desas gravacións).

As bibliotecas da universidade de Minnesota buscan explorar e difundir diferentes usos do conceito de blog nas aulas: suxiren aos profesores usalos como medio para debater temas concretos na clase (como neste exemplo), como forma de presentación de traballos académicos, para publicar ideas e esbozos de investigación ou para explorar areas concretas e publicitar ligazóns e noticias relacionadas, por exemplo. Aos estudantes anímanos a bloggear como novo sistema de organizar apuntes sobre unha materia, animar a vida persoal ou organizativa, etc.

A biblioteca universitaria propón os blogs como "instrumentos ideais para a promoción da liberdade académica e intelectual" no ensino superior "criando comunidades de intereses comúns". Para os interesados en cuestións técnicas utilizan Movable Type e aloxan neste momento 357 blogs, entre eles 64 de docentes e 52 do persoal non académico. Mais información nesta outra páxina.

Teses dixitais

2004-07-04T11:30:00.000+01:00

Como a páxina do Centro Superior Bibliográfico de Galicia e a súa biblioteca dixital semellan estar eternamente en obras, decido pasarme pola dos vicinhos do sul. A Biblioteca Nacional Dixital e outra destas grandes iniciativas para crear coleccións nacionais de obras dixitais ou dixitalizadas online. Centos de obras históricas reproducidas dixitalmente e organizadas en grandes áreas temáticas (Ciencia, Historia, Lingua, Literatura, etc), o cerne da cultura escrita portuguesa, accesíbeis ao interesado a través da rede.

Pero a BND e mais que isto: ademais dos catálogos (PORBASE) e bibliografías nacionais de agardar, ou un arquivo de páxinas web, contén a base de datos DiTeL. DiTeL (Dissertações e Teses Digitais) é unha colección de teses en formato dixital, contando na actualidade con perto de 170 de estas obras, accesíbeis parcialmente (índices, xeralmente) ou na súa totalidade.

Este interesante proxecto forma parte de NDLT (Networked Digital Library of Theses and Dissertations), unha iniciativa internacional para promover a "adopción, creación, uso, diseminación e preservación de equivalentes electrónicos ás tradicionais teses e tesinhas en papel".

A lista de institucións participantes é longa, con mais de 210 consorcios e universidades, a maioría norteamericanas (a orixe é a Virginia Polytechnic Institute and State University), pero tamén están as universidades catalanas (a través de TDX), as francesas (CCSD) e as alemanas (dissonline.de), por exemplo. Útil e importante recurso é o seu catálogo centralizado. Mais información sobre teses en formato dixital na Guía das TTE da UNESCO, que ate conta con un blog proprio.

Franceses e holandeses

2004-07-01T20:37:00.000+01:00

Outra volta co tema da catalogación de recursos na rede: entre os rexistros do día en Humbul (a sección de RDN adicada as humanidades), un vello bookmark: a web da Bibliothèque Nationale da Francia. Conheciamos os catálogos e incluso sabiamos da existencia de Gallica, pero non imaxinabamos, até que lemos a descrición na ficha recén feita, que esta colección dixital conta xa con mais de 70.000 obras, e é unha das maiores bibliotecas virtuais da rede. Clásicos da cultura francesa e libros de viaxe africanos, as fotos de Adget ou manuscritos iluminados medievais (como esta fermosa Historia de Merlín), é unha rica biblioteca. E eu gastando os cartos nos Folio Gallimard.

Publicouse tamén hoxe o número de Xullo da Internet Resources Newsletter, un excelente boletín electrónico mensual que da noticia de novas páxinas web, blogs, etc. de interese para o mundo académico. Enterámonos aquí de que Elsevier, o xigante holandés das publicacións científicas, muda de política e anuncia que vai permitir que os autores fagan accesibel na súa paxina web ou na paxina da institución académica á que pertenzan a copia final do seu artigo tal e como é publicado no xornal de que se trate. Importante avance do libre acceso.

Top 100

2004-06-30T13:45:00.000+01:00

Codigo Cero, o medio galego de referencia no campo das tecnoloxias da informacion, apresentou onte a actualizacion da lista das cen paxinas web mais populares do pais, con cambios importantes. O top 5 e agora:

1. lavozdegalicia.es
2. xunta.es
3. fiestras.com
4. usc.es
5. caixagalicia.es

Nos ainda non saimos, pero e que a lista foi feita o dia no que comenzabamos...

Unha a conta da casa

2004-06-29T21:03:00.000+01:00

Publicouse hoxe a ultima edicion do indice xeral analitico do boletin de Freepint, que, para os que non sexan familiares co nome, e o foro virtual dunha comunidade formada por mais de 60000 profisionais (maiormente bibliotecarios e documentalistas britanicos) que usan a rede para o seu traballo. A paxina web ten varias seccions, como critica de novas publicacions, bolsa de traballo, seccion de referencia rapida, eventos, e a minha favorita, o BAR. A pesar de que non serven Chablis nen Madeira, esta entre os meus favoritos: cada dia mais dunha ducia de usuarios deixa cuestions e peticions de axuda (que ian, esta manha, desde onde atopar artigos presentados no V Simposio de Xeoquimica Medioambiental, ou datos estadisticos sobre a potencia media dos computadores domesticos, ate discusions sobre pros e contras de diversos sistemas de xestion bibliotecaria), e receben numerosas respostas entre bastante cualificadas e totalmente maxistrais. O boletin existe desde 1997 e distribuese quincenalmente por correio electronico entre os membros rexistrados (por suposto o rexistro e gratuito) e pode consultarse en diversos formatos aqui.

Xornais de acceso libre

2004-06-28T22:06:00.000+01:00

Avisa un contacto do sector informatico duro (o padrinho deste blog, Dani Blanco), dunha paxina mui interesante: CiteSeer IST, un buscador de artigos cientificos en pdf e postscript na rede. A iniciativa esta patrocinada pola National Science Foundation e Microsoft Research, e software e algoritmos son libres para usos non comerciais, polo que pode ser utlizado para bibliotecas dixitais de xornais de acceso libre, por exemplo. CiteSeer.IST non e unha coleccion documental, senon un potente instrumento de busca que ten como obxectivo facilitar o acceso e a difusion de traballos cientificos existentes na internet. As coleccions de xornais cientificos non de pago son numerosas: Free Full Text (Scientific Reference Resources), con mais de 7000 titulos, Electronic Journals Library (EZB) (universidade de Regensburg e universidade tecnica de Munich), cerca de 22000 titulos, dos cais 7000 gratuitos, e o Directory of Open Access Journals (DOAJ) (universidade de Lund), con mas de 1300, dos que cerca de 300 estan indexados a nivel de artigos (mais de 50000), estan entre as mais destacadas. Outros como Online books page - serials (universidade de Pennsylvania) ou looksmart Find Articles (Looksmart Ltd) son proxectos mais limitados. Non imos polemizar (hoxe) entre xornais e coleccions dixitais de acceso libre e bases de datos e subscripcions de pago, pero calquera biblioteca, especialmente academica, poderia facer peor que difundir estes recursos gratuitos entre os seus usuarios.

Website awareness

2004-06-26T11:44:00.000+01:00

Recen catalogados por Artifact (parte de RDN): a fantastica base de datos de musica medieval da La Trobe University, chea de marabillas como esta, e a paxina web do Instituto Americano de Musicoloxia, adicado desde 1946 a fomentar o estudio da musica medieval, renacentista e barroca. Se queren estar ao dia dos novos rexistros en Artifact, so tenhen que se subscriber ao seu RSS. Mais canais RSS/ATOM de outros portais semellantes na seccion de enlaces de este blog baixo o titulo "Web awareness RSS/ATOM feeds", e para os novicios unha boa introduccion ao conceito de sindicacion, XML, RSS, etc. desde un punto de vista bibliotecario, neste artigo en LLRX.com. Sindiquense.

Berners-Lee en Clapham

2004-06-25T10:55:00.000+01:00

Descubrin fai pouco que o inventor da web, Tim Berners-Lee, foi a escola no barrio de Londres no que vivo. Na paxina idem do Emmanuel College, que asi se chama, ven unha entrevista con el, evidentemente tirada dunha revista feita polos alunos. Non lle preguntan (ou non sae) se se ten arrepentido algunha vez de non pedir dereitos de autor polos HTML, HTTP, URI, etc., pero si sobre a relacion do libro coa internet ou sobre o uso de buscadores en traballos academicos. Sobre esto ultimo resposta cunha desas frases que son para enmarcar: ‘Research isn't about finding lots of information - it is about understanding it’. Claro.

Catalogando a rede

2004-06-24T19:29:00.000+01:00

A avaliacion, descripcion e clasificacion de recursos na internet e unha area das tecnoloxias da informacion na que o bibliotecario ten muito que aportar. De esforzos dunha soa biblioteca, BUBL ou the List, a colaboracions rexionais, Librarians' index to the internet, nacionais, RDN, e incluso xa internacionais, Renardus, estes portais aportan un valor engadido que os usuarios (de fala inglesa, polo momento) aprecian, tanto en bibliotecas publicas como nas academicas. Mais sobre da modelica RDN proximamente.

Bon dia comunidade!

2004-06-24T14:16:00.000+01:00

Tirado de fotolog.net/anapinta a traves de fotolog.net/libraries.
Un dia falamos do amor luso polos libros e o neo-gotico. Hoxe simplemente abrir este blog dirixido a comunidade bibliotecaria e/ou documentalista enredada galega cunha mirada ao fermoso pasado da profesion. Aproveito para facer desde xa unha invitacion a participar, xa colaborando na creacion de contidos, xa comentando os existentes. Agardo que BIBLIOBUS sexa do voso interese, alo menos e gratis...